Groceries

 

Order Groceries Online 👇👇👇

கவிதைக்காடு! - வதூத்: ஹைக்கூ

கவிதைக்காடு! - வதூத்: ஹைக்கூ: 

 தாழ்பாள் இல்லாத  குளியலறை  உன் சரி செய்யப்படாத  தாவணி.      *** *** *** *** வேர்வரை நனைக்காத  மழை என்ன மழை ? உயிர் தொட்டு கசியாத  காதல்...

சோதனை சாலையில் 

நூதனக் குழந்தை 

சாதனை நூற்றாண்டு!

லிக்னைட் எடுக்க 

வயலில் குழிபறிப்பு 

புதைத்து விவசாயம் !

அசைந்து அசைந்து 

செல்கிறது 

பினத்தின் நிழல் !

கவிதைக்காடு! - வதூத்: நேரிசை வெண்பாக்கள்

கவிதைக்காடு! - வதூத்: நேரிசை வெண்பாக்கள்: இயற்ச்சீர்   வரவெண்சீர் வெண்டளையோ(டு) வெண்பா பயிற்சி அளியென் தமிழே - முயற்சி திருவினை ஆக்கி சிறுவனை போற்றிப் பெரும்புலவ(ன்) ஆக்க...

நேரிசை வெண்பாக்கள்

இயற்ச்சீர்  வரவெண்சீர் வெண்டளையோ(டு) வெண்பா

பயிற்சி அளியென் தமிழே - முயற்சி

திருவினை ஆக்கி சிறுவனை போற்றிப்

பெரும்புலவ(ன்) ஆக்கி விடு!

ஆயகலை கள்மறந்தாய் அல்பகல் நெட்டெனும்

மாயவலை சிக்கி மதிகெட்டாய் – நீயாடா

வையமே உய்ய வரம்வாங்கி வந்தவன்?

தெய்வமே கண்டுசொல் தீர்வு!

அந்திவர பூக்குமல்லி தானோ இவளோயென்

அந்தமாதி உய்யும் உயிர்தானோ – எந்ததிசை

 நாடாளு(ம்) ராணியும் பன்னாட்டு பெண்டிரு(ம்)

 ஈடாமோ உன்னழ குக்கு

மெல்லமாய் கண்திறந்து மோகம் நெருப்பிட

செல்லமாய் கிள்ளும் சிறுமலரே - சொல்லாயோ

எப்போது உன்னை தருவாய் மலர்மஞ்சம்

இப்போது காண்போம் இணைந்து!

பாவாடை பைங்கிளியே பால்மொழியே இன்சுகமாய்

பூவாடை வீசும் சுவைக்கனியே – பூவேயென்

நாவாடப் வந்த நறுங்கவியே நான்தேடும்

ஏவாளே என்னைநீ சேர்

பூவிதழின் மேலுறங்கும் வெண்பனி போல்நானுன்

பூவிதழில் மீதுறங்க வேணுமடி - நாவினில்

சக்கரை தேயும் அதுபோலென் ஆவியில்

இக்கணம் தோய்ந்து விடு!

 - வதூத் 

காதல் 2

பூட்டப்பட்ட வீட்டின் 

திறக்கபடாத தபால் பெட்டியில்  கிடக்கும் 

ஒற்றை பூவாய் 

பயனற்று கிடக்கிறது 

எனக்கு வெளிப்படுத்தாத 

உன் காதல் 

துன்பகோணம்!

                              - வதூத் 

( கடந்த 2004 ஆம் வருடம் ஜூலை 16 தேதி நாட்டையே சோகத்தில் ஆழ்த்திய கும்பகோணம் தீ விபத்தில் பலியான பச்சிளம் குழந்தைகளின் நினைவு நாளில் எழுதப்பட்ட ஒரு கறுப்புக்கவிதை )

"தீயினாற் சுட்ட புண் 

உள்ளாறும்"...

பொய் சொல்லி இருக்கிறான் 

புலவன் வள்ளுவ!

எல்லா அம்மாவுக்கும் 

எப்படி ஆறியிருக்கும் 

கொழுந்துகளை கொளுத்திய 

கொள்ளியின் வடு !

அநாதைகளாகிவிட்டது

பெற்றோர்கள் மட்டுமல்ல 

லாலிபாப்புகளும்

பார்பி பொம்மைகளும்தான்!

கடைசியில் கைகாட்டிசென்ற 

கரங்கள் 

கைகாட்டியபடியே...

கருகியிருந்ததுதன் 

கடுஞ்சோகம்!

முன்னிரவில் 

தாலாட்டு கேட்டவர்கள் 

பிற்பகலில் 

ஒப்பாரியாகிவிடார்களே !

அவங்கள் சிலேட்டில் 

எழுதினார்கள் 

'அ' .....'ஆ'.... என்று 

எமன் தன ஏட்டில் 

எழுதிவிட்டான் 

'புவனா' 'சரவணா' என்று.

காவல் நிலையத்தில் 

கடுங்கொள்ளை நடந்தது போல் 

தெய்வங்கள் நிறைந்த 

திருத்தலத்தில் 

'தீ 'ங் கொடுமை நடந்திருச்சே!

வெள்ளிகிழமை தோறும் 

'விரதம்' கேட்கும் தெய்வம் -அந்த 

வெள்ளிகிழமை மட்டும் 

'விபரீதம்' கேட்டதேன்..?

அரசாங்கத்தின் விளம்பரம் நம்பி 

'ஒன்றோடு' நிறுத்திக்கொண்ட....

அதையும் பறிகொடுத்த 

பெற்றோருக்கு பரிகாரம் என்ன ?

கொடுக்கின்ற தெய்வம் 

கூரையை பிரிதித்துதான் கொடுக்கும் 

எரித்துக்கொடுத்ததென்றால் 

அது....

வரமல்ல. சாபம் !

கடைசியில் 

அஸ்தி கரைந்தது 

கங்கையில்லல்ல 

ஓராயிரம் கண்ணீரிலும் -இந்த 

ஒற்றை கவிதையிலும் தான்.

****     ****     ****     ****     **** 

மது vs மாது

                              -வதூத்

உன்னை படைக்கும் போது 

பிரம்மன்

மது அருந்தியிருப்பான்  போல 

உன் அழகின் போதையில் 

என் இளமை தள்ளாடுகிறது.

காதல் 

சோமபானத்தையும்

சுரபானத்தையும்

உன் இதழில் காய்ச்சுகிறது.

மது 

நாட்டுக்கும் வீட்டுக்கும் 

கேடு !

காதலுக்கு நன்று!

நீயும் நானும் பருகத்தான் 

பூமிக்கோப்பையில்

காதல் மதுவை 

வழிய வழிய 

ஊற்றியிருக்கிறான்

இறைவன்.

ஒன்று இரண்டாய் தெரியும் 

மது அருந்தினால் 

நீயும் நானும் 

ஒன்றாய் தெரிகிறோம் 

காதல் அருந்தியதால் 

உயிர் தொட்டுச்சொல் 

மயக்கம் தருவது 

மதுவா? 'அது'வா?

***   ***   ***   ***   ***